ദീപങ്ങൾ എരിയും വേദിയിതിൽ,
ചുറ്റും ധൂപങ്ങൾ ഉയരും വേളയിതിൽ.
ആരാധ്യനായവൻ യേശുപരാ നിനക്കാരാധനാ സ്തുതി പാടിടുന്നെ..
(എൻ) ദുഃഖങ്ങൾ അകലും വേളയിൽ
(ഉള്ളിൽ) ആനന്ദം നിറഞ്ഞു ഞാൻ പാടിടാം
(നിൻ) സ്നേഹത്തിൽ നിറഞ്ഞെൻ നാഥനെ
വാഴ്ത്തുന്നു നിന്നപദാനങ്ങൾ...
അൾത്താരയിൽ.. ദിവ്യ സക്രാരിയിൽ..
വാഴുന്ന ദിവ്യകാരുണ്യമേ...
നിൻകൃപാ മാരിയിൽ മുങ്ങി ഞാൻ
ഏകുന്നേശുവേ....
നാഥാ ആരാധനാ ദേവാ ആരാധന
ആരാധന അങ്ങേയ്ക്കാരാധനാ...
ദിവ്യശോഭയിൽ മുങ്ങിടും
സുവർണ്ണമീ സക്രാരിയിൽ..
ശുദ്ധ മാനസരായി നാം
വാഴ്ത്തിടം തിരുവോസ്തിയെ
രക്ഷദം.... കൂദാശയെ....
സക്രാരിയിൽ... വണങ്ങിടാം...
നിറമനസ്സാൽ പാടിടാം...
നാഥാ ആരാധനാ ദേവാ ആരാധന
ആരാധന അങ്ങേയ്ക്കാരാധനാ...
ദിവ്യകാന്തി ചൊരിഞ്ഞിടും
നവ്യ സ്നേഹ തളികയിൽ
നിത്യ ജീവ ഭോജ്യമായ്
യേശു വാണിടുന്നിതാ
കുമ്പിടാം കുർബ്ബാനയെ
മഹത്തരം കൂദാശയെ
താണുവീണു വണങ്ങിടാം....
ദീപങ്ങൾ എരിയും വേദിയിതിൽ,
0 comments:
Post a Comment